💞 தமிழ்
உன்னைப் பேசும்போது
என் நாக்குக்கு
அர்த்தம் கிடைக்கிறது…
உன்னை எழுதும்போது
என் விரல்களுக்கு
உயிர் கிடைக்கிறது…
தாயாக நீ தாலாட்டினாய்,
தோழியாக நீ துணை நின்றாய்,
காதலியாக நீ
என் உணர்வுகளை
மொழியாக மாற்றினாய்…
பிற மொழிகள்
என்னை அழைத்தாலும்,
தமிழ்…
நீ மட்டும் தான்
என்னை
அழைக்காமல்
அணைத்துக்கொண்டாய்…
எழுத்தல்ல நீ,
என் இரத்தத்தின்
ஒலியடா…
சொல்லல்ல நீ,
என் சுவாசத்தின்
பாடலடா…
உலகம் மறந்தாலும்,
நான் மறக்க மாட்டேன்…
என் பெயருக்கு முன்
நீ இருக்கிறாய்…
என் பெயர் மறைந்தாலும்
நீ வாழ்வாய்…
தமிழ்…
நீ மொழி இல்லை,
நான் தான்
உன் ஒரு வரி…
No comments:
Post a Comment